عملها ومات
هو السبب ومعانا كل الاثباتات
الله يرحمه طلع هو المسئول
هو ده كلام معقول؟
هي كانت حادثة قطر ولا عبارة؟
ولا ناس ضعيفة هرستها ناس جبارة
هي كانت مشكلة الصيانة ولا الوقود
ولا هو مين حي ومين مات ومين مفقود؟
ولا هو الاهمال اللي مالوش حدود
أهي أرواح غلابة
أكلتها الديابة
ما خلاص بقينا عايشين في غابة
اللي اتغسل في مية مالحة وسترة نجاته كانت الكفن
واللي في بطن سمكة القرش اندفن
أرواح رخيصة مالهاش تمن
ونفوس صابها العفن
وعشش في قلوبها الوهن
بيحبو الدنيا موت
موت غيرهم طبعا والمطلوب السكوت
وخراب البيوت
اللي ماتلها زوج وحبيب
واللي راح المستشفى ما لقاش طبيب
احنا حانعترض؟ ده قسمة ونصيب
هي كانت طيارة ولا عبارة ولاقطر رايح الصعيد
كانت في المطار ولا المرسى ولا السكة الحديد؟
دي كانت ناس مستنية ناس جاية من بعيد
في قلوبهم فرحة يوم العيد
بس اتفرقو عن حبايبهم من غير مواعيد
ومش عارفين المسئول. طيب وإيه الجديد؟
وتمر سنين وسنين ...
وبرضه لسة مش عارفين
طيب ما هو ده!!!!
لا ده راجل مسكين
خايف من السجن فقاعد في القصر
وسايب قلوب حزينة مالهاش حصر
أصله عرف بسرعة يهرب من مصر
يا مصر, قلبي موجوع عشانك
لما صندوق أسود يغير ألوانك
ويكتب أحزانك
وناس تطلع بريئة
وناس تخبي الحقيقة
وناس وشوشها جريئة
هي كان اسمها سالم ولا السلام
طيب ليه في عيون سهرانة وعنين قادرة تنام
لكن مسير الحق يبان
وترجع تاني الألوان
وضحكة حلوة تبان منها السنان
وصبحت الصبح اقرا الجرنان
آه وقعت عمارة على السكان
والمسئول الغلبان
تمكن من الهرب بأمان
والبواب اللي مات هو اللي طلع غلطان
بواب, سواق أو ربان
كلهم بقوا في ذمة الرحمان
هو السبب ومعانا كل الاثباتات
الله يرحمه طلع هو المسئول
هو ده كلام معقول؟
هي كانت حادثة قطر ولا عبارة؟
ولا ناس ضعيفة هرستها ناس جبارة
هي كانت مشكلة الصيانة ولا الوقود
ولا هو مين حي ومين مات ومين مفقود؟
ولا هو الاهمال اللي مالوش حدود
أهي أرواح غلابة
أكلتها الديابة
ما خلاص بقينا عايشين في غابة
اللي اتغسل في مية مالحة وسترة نجاته كانت الكفن
واللي في بطن سمكة القرش اندفن
أرواح رخيصة مالهاش تمن
ونفوس صابها العفن
وعشش في قلوبها الوهن
بيحبو الدنيا موت
موت غيرهم طبعا والمطلوب السكوت
وخراب البيوت
اللي ماتلها زوج وحبيب
واللي راح المستشفى ما لقاش طبيب
احنا حانعترض؟ ده قسمة ونصيب
هي كانت طيارة ولا عبارة ولاقطر رايح الصعيد
كانت في المطار ولا المرسى ولا السكة الحديد؟
دي كانت ناس مستنية ناس جاية من بعيد
في قلوبهم فرحة يوم العيد
بس اتفرقو عن حبايبهم من غير مواعيد
ومش عارفين المسئول. طيب وإيه الجديد؟
وتمر سنين وسنين ...
وبرضه لسة مش عارفين
طيب ما هو ده!!!!
لا ده راجل مسكين
خايف من السجن فقاعد في القصر
وسايب قلوب حزينة مالهاش حصر
أصله عرف بسرعة يهرب من مصر
يا مصر, قلبي موجوع عشانك
لما صندوق أسود يغير ألوانك
ويكتب أحزانك
وناس تطلع بريئة
وناس تخبي الحقيقة
وناس وشوشها جريئة
هي كان اسمها سالم ولا السلام
طيب ليه في عيون سهرانة وعنين قادرة تنام
لكن مسير الحق يبان
وترجع تاني الألوان
وضحكة حلوة تبان منها السنان
وصبحت الصبح اقرا الجرنان
آه وقعت عمارة على السكان
والمسئول الغلبان
تمكن من الهرب بأمان
والبواب اللي مات هو اللي طلع غلطان
بواب, سواق أو ربان
كلهم بقوا في ذمة الرحمان
ليست هناك تعليقات:
إرسال تعليق