شنطة رمضان
فوانيس في الشوارع منورة
وبنور هلالك يا رمضان هليت
في كل حتة ريحتك فايحة معطرة
مسك وعنبر وريحان شميت
جاي تطهر قلوب متعكرة
وتدخل الفرحة في كل بيت
وشنط مليانة بحروفك منتورة
مش بس سكر وسمن وزيت
يا رمضان اسمك كله جوهرة
أول حروفك،رحمة ورجا والكل رضيت
ووسطك مغفرة وملايكة مالية المكان معمرة
وفي نجوم السما ضويت
وآخرك آية في لياليك متنكرة
ونور الهي ونار منها انا نجيت
ياللي أنوارك على أيامك مسيطرة
بتقولي خدي شنطة وعبي، طب شوف أنا فيها ايه عبيت
حطيت فيها مش بس مشمش وتين وزبيب
ده أنا مليتها اتباع لسنة الحبيب
ودعاء بالليل يستجيبه مني القريب
عبيتها مساجد عمرانة في صلاة الفجر
وكتاب في القلب محفوظ من بعد الهجر
وتراويح تتساوى فيها الكتاف
وقلب أبيض مرفرف شفاف
قدام ربه واقف مفيش غيره يخاف
والروح اهه صافية مروحة
من بعد ما خشعت وصليت
وعفو وعتق ورأفة ورفق منهم رحت مكترة
ده أنا حطيت فيها كل ما اتمنيت
صحيح عبيتها رز وعدس وفول وحبوب
بس زودتها بالتقوى زاد القلوب
وعبد عاصي اهه لربه بيتوب
عبيتها بشمل اتبعتر أهه بيتلم
عبيتها بذكر يطمن يمحي الهم
مليتها بصفاتك يا شهر الكرم
والله ياللي أنت هناك في الحرم
عملت عمرة ومع الرسول حجيت
وشربت من زمزم وبيها اتوضيت
عبيتها تمر هندي وقمر الدين
ودعوة خالصة للأقصى وأهلى في فلسطين
وشفت في السما كورة بيضة مدورة
مش ده الهلال بسرعة بقى بدر
وجاية تجري ليلة القدر
عبيتها مكسرات وعين جمل
وصدقة وصدق وصالح العمل
وزيارة لمريض تملاه بالأمل
يا رب اشفيه زي نا غيره شفيت
مليتها صيام من كل شر
وعبد ساجد للدقن خر
يا بختك يا صايم بقدومه اتهنيت
ليك بصيامك فرحتين
واحدة أما تفطر والتانية بعدين
عبيت الشنطة لبس جديد
ووزعتها على الحاج رضوان وأم سعيد
وولاد فرحانة بصلاة العيد
هو ايه اللي جرى؟
ايه رمضان أوام عديت؟
مكنتش كدة مفكرة
هو انت لحقت تيجي عشان تقول انا مشيت
بس قولي بسرعة يا ترى خليت؟
قلوبنا زي أول ما علينا طليت
وياجامع ياترى لسة مليان ولا خلاص فضيت
ويا قرآني كام مرة من يومها اتقريت
ويا قلب لسة منور؟ ولا زي الفانوس اطفيت؟
وئام أحمد محمود
فوانيس في الشوارع منورة
وبنور هلالك يا رمضان هليت
في كل حتة ريحتك فايحة معطرة
مسك وعنبر وريحان شميت
جاي تطهر قلوب متعكرة
وتدخل الفرحة في كل بيت
وشنط مليانة بحروفك منتورة
مش بس سكر وسمن وزيت
يا رمضان اسمك كله جوهرة
أول حروفك،رحمة ورجا والكل رضيت
ووسطك مغفرة وملايكة مالية المكان معمرة
وفي نجوم السما ضويت
وآخرك آية في لياليك متنكرة
ونور الهي ونار منها انا نجيت
ياللي أنوارك على أيامك مسيطرة
بتقولي خدي شنطة وعبي، طب شوف أنا فيها ايه عبيت
حطيت فيها مش بس مشمش وتين وزبيب
ده أنا مليتها اتباع لسنة الحبيب
ودعاء بالليل يستجيبه مني القريب
عبيتها مساجد عمرانة في صلاة الفجر
وكتاب في القلب محفوظ من بعد الهجر
وتراويح تتساوى فيها الكتاف
وقلب أبيض مرفرف شفاف
قدام ربه واقف مفيش غيره يخاف
والروح اهه صافية مروحة
من بعد ما خشعت وصليت
وعفو وعتق ورأفة ورفق منهم رحت مكترة
ده أنا حطيت فيها كل ما اتمنيت
صحيح عبيتها رز وعدس وفول وحبوب
بس زودتها بالتقوى زاد القلوب
وعبد عاصي اهه لربه بيتوب
عبيتها بشمل اتبعتر أهه بيتلم
عبيتها بذكر يطمن يمحي الهم
مليتها بصفاتك يا شهر الكرم
والله ياللي أنت هناك في الحرم
عملت عمرة ومع الرسول حجيت
وشربت من زمزم وبيها اتوضيت
عبيتها تمر هندي وقمر الدين
ودعوة خالصة للأقصى وأهلى في فلسطين
وشفت في السما كورة بيضة مدورة
مش ده الهلال بسرعة بقى بدر
وجاية تجري ليلة القدر
عبيتها مكسرات وعين جمل
وصدقة وصدق وصالح العمل
وزيارة لمريض تملاه بالأمل
يا رب اشفيه زي نا غيره شفيت
مليتها صيام من كل شر
وعبد ساجد للدقن خر
يا بختك يا صايم بقدومه اتهنيت
ليك بصيامك فرحتين
واحدة أما تفطر والتانية بعدين
عبيت الشنطة لبس جديد
ووزعتها على الحاج رضوان وأم سعيد
وولاد فرحانة بصلاة العيد
هو ايه اللي جرى؟
ايه رمضان أوام عديت؟
مكنتش كدة مفكرة
هو انت لحقت تيجي عشان تقول انا مشيت
بس قولي بسرعة يا ترى خليت؟
قلوبنا زي أول ما علينا طليت
وياجامع ياترى لسة مليان ولا خلاص فضيت
ويا قرآني كام مرة من يومها اتقريت
ويا قلب لسة منور؟ ولا زي الفانوس اطفيت؟
وئام أحمد محمود