tag:blogger.com,1999:blog-33182404380545394012012-02-16T16:37:57.514-08:00للأنيميا أنواعOm El Bassabeeshttp://www.blogger.com/profile/05328741959124050261noreply@blogger.comBlogger41100tag:blogger.com,1999:blog-3318240438054539401.post-35916480158007988162008-08-27T04:16:00.000-07:002008-08-27T04:18:21.565-07:00<div dir="rtl" align="right"><span style="font-size:180%;">شنطة رمضان<br /><br />فوانيس في الشوارع منورة<br />وبنور هلالك يا رمضان هليت<br />في كل حتة ريحتك فايحة معطرة<br />مسك وعنبر وريحان شميت<br />جاي تطهر قلوب متعكرة<br />وتدخل الفرحة في كل بيت<br />وشنط مليانة بحروفك منتورة<br />مش بس سكر وسمن وزيت<br />يا رمضان اسمك كله جوهرة<br />أول حروفك،رحمة ورجا والكل رضيت<br />ووسطك مغفرة وملايكة مالية المكان معمرة<br />وفي نجوم السما ضويت<br />وآخرك آية في لياليك متنكرة<br />ونور الهي ونار منها انا نجيت<br />ياللي أنوارك على أيامك مسيطرة<br />بتقولي خدي شنطة وعبي، طب شوف أنا فيها ايه عبيت<br />حطيت فيها مش بس مشمش وتين وزبيب<br />ده أنا مليتها اتباع لسنة الحبيب<br />ودعاء بالليل يستجيبه مني القريب<br />عبيتها مساجد عمرانة في صلاة الفجر<br />وكتاب في القلب محفوظ من بعد الهجر<br />وتراويح تتساوى فيها الكتاف<br />وقلب أبيض مرفرف شفاف<br />قدام ربه واقف مفيش غيره يخاف<br />والروح اهه صافية مروحة<br />من بعد ما خشعت وصليت<br />وعفو وعتق ورأفة ورفق منهم رحت مكترة<br />ده أنا حطيت فيها كل ما اتمنيت<br />صحيح عبيتها رز وعدس وفول وحبوب<br />بس زودتها بالتقوى زاد القلوب<br />وعبد عاصي اهه لربه بيتوب<br />عبيتها بشمل اتبعتر أهه بيتلم<br />عبيتها بذكر يطمن يمحي الهم<br />مليتها بصفاتك يا شهر الكرم<br />والله ياللي أنت هناك في الحرم<br />عملت عمرة ومع الرسول حجيت<br />وشربت من زمزم وبيها اتوضيت<br />عبيتها تمر هندي وقمر الدين<br />ودعوة خالصة للأقصى وأهلى في فلسطين<br />وشفت في السما كورة بيضة مدورة<br />مش ده الهلال بسرعة بقى بدر<br />وجاية تجري ليلة القدر<br />عبيتها مكسرات وعين جمل<br />وصدقة وصدق وصالح العمل<br />وزيارة لمريض تملاه بالأمل<br />يا رب اشفيه زي نا غيره شفيت<br />مليتها صيام من كل شر<br />وعبد ساجد للدقن خر<br />يا بختك يا صايم بقدومه اتهنيت<br />ليك بصيامك فرحتين<br />واحدة أما تفطر والتانية بعدين<br />عبيت الشنطة لبس جديد<br />ووزعتها على الحاج رضوان وأم سعيد<br />وولاد فرحانة بصلاة العيد<br />هو ايه اللي جرى؟<br />ايه رمضان أوام عديت؟<br />مكنتش كدة مفكرة<br />هو انت لحقت تيجي عشان تقول انا مشيت<br />بس قولي بسرعة يا ترى خليت؟<br />قلوبنا زي أول ما علينا طليت<br />وياجامع ياترى لسة مليان ولا خلاص فضيت<br />ويا قرآني كام مرة من يومها اتقريت<br />ويا قلب لسة منور؟ ولا زي الفانوس اطفيت؟<br />وئام أحمد محمود</span></div><div class="blogger-post-footer"><img width='1' height='1' src='https://blogger.googleusercontent.com/tracker/3318240438054539401-3591648015800798816?l=bassabees.blogspot.com' alt='' /></div>Om El Bassabeeshttp://www.blogger.com/profile/05328741959124050261noreply@blogger.com1tag:blogger.com,1999:blog-3318240438054539401.post-77865881747747502172008-08-21T04:25:00.000-07:002008-08-21T04:27:30.959-07:00<div dir="rtl" align="center"><span style="font-size:130%;color:#000099;">الآثار الجانبية للحياة الزوجية<br /><br />نزلت في يوم الصيدلية<br />أسأل عن علاج للعزوبية<br />وصفولي الحياة الزوجية<br />ونصحوني قبل ما أخده أقرا النشرة الداخلية<br />قلت مش مهم بس أقضي على اسمها ايه دية<br />وفعلا دخلت قفص الحياة الرومانسية<br />حب ودلع وأهم من ده كله مابقيتش لوحدية<br />وفي كل مناسبة نجيب لبعض هدية<br />ونختلف لكن نتناقش ونوصل للحل بصورة ودية<br />ونجيب عيلين يبقو عزوة ويملو علينا البيت شوية<br />عظيم خفيت من العيا وعايشة حياة هنية<br />نتفسح ونخرج وكله مية مية<br />وتيجي خناقة, زي الموجة بسرعة تروح معدية<br />ونقول دي من توابل الحياة الأساسية<br />وتمر مشكلة بسيطة كدة, أمور شكلية<br />مش مهم مين غلطان دي مش مواضيع جوهرية<br />طالما القصد خير, فإنما الأعمال بالنية<br /><br /><br />هي مالها الحياة كده بقت عادية؟<br />والمعارك كترت كدة لية, كانت فين مستخبية؟<br />قومي اكوي لي القميص يا ولية<br />الله؟ مش ده اللي قبل كدة كان بيقول يا نور عنية؟<br />بص كويس في دولابك حتلاقى قمصانك كلها مغسولة ومكوية<br />هبلت في الرد أنا باين علية<br />مش مهم حأرد بطريقة أحسن المرة اللى جاية<br />ايه اللي أنا حاسة بية ده ايه اللي بيجرا فية؟<br />وصبحت في يوم الصبحية<br />لقيت الدنيا بتلف بية<br />ومش قادرة تشيلني رجلية<br />وضغطي تلتمية وعشرين على تلتمية<br />على شوية آلام معدية<br />قلت أقرا الآثار السلبية<br />العلاج كله جوانب ايجابية<br />إلا أن القولون حيبقى دايما في حالة عصبية<br />وقد يحدث تضخم في الغدة الدمعية<br />وانتفاخ في الجفون الفوقانية<br />يصاحبه اكتئاب في الحالة النفسية<br />وتورم في الأحبال الصوتية<br />وتقلبات في الحالة المزاجية<br />وتغيرات شكلية<br />يا إما سمنة يا إما نحافة مرضية<br />شراهة أو فقدان شهية<br />تخمة من الاختلافات الفكرية<br />حموضة واضطرابات في القناة الهضمية<br />أنيميا وسوء ﺗﻐﺬية<br />بدل الحديد , بلع زلط وقنابل نووية<br />على نسيان شوية مشاعر ضرورية<br />وارتجاج في الأوضاع الدماغية<br />طول اليوم أعمال منزلية<br />بيت وولاد وتربية<br />أعباء وتحمل مسؤولية<br />تصل لآلام روماتزمية<br />وأوجاع في السلسلة الفقرية<br />زعيق وخناق وحاجات جنونية<br />تأخر في القوى العقلية<br />نشاط في في جهاز المناعة اللي بقى دايما في حالة دفاعية<br />ضد الحروب البكتيرية<br />تصلب في الشرايين الهيامية<br />وانقباض في المشاعر القلبية<br />إمساك عن الكلمات الاﻋﺘﺬارية<br />اسهال في الشتائم المؤﺫية<br />توطن أمراض النكدية<br />التحول من حالة طيبة لحالة مفترية<br />فتق من كتر العنادية<br />انفجار في الزايدة الدودية<br />قصور في الوظيفه الكلامية<br />زيادة افراز هرمون العبودية<br />برد ونزلات شعبية<br />من كتر الأمطار الرعدية<br />وقد تشتكي من حساسية<br />وجيوب أنفية<br />وقلة حيلة وضعف شخصية<br />وصداع على شوية كبت حرية<br />وحبة أمراض مزمنة مستعصية<br />تدهور عام في الحالة الصحية<br />ولتخفيف ﻫﺬه الآثار يرجى شرب مياه معدنية<br />وأكل الكثير من الخضروات الورقية<br />وقريت ملحوظة تحت اللآثار الجانبية<br />يجب المواظبة على العقار والاستمرارية<br />لكل اللي عاوزين الحياة الاسرية<br />فقد اثبتت الابحاث العلمية<br />أنه الوحيد من بين الأدوية<br />اللي يقدر يقضي على الحالة اياها بمنتهى الفاعلية<br />وأنا اللي كنت فاكرة الحياة جميلة وردية<br />ياريتني سمعت كلامهم يوم ما كنت في الصيدلية<br /><br /><br /><br /><br /> </span></div><div class="blogger-post-footer"><img width='1' height='1' src='https://blogger.googleusercontent.com/tracker/3318240438054539401-7786588174774750217?l=bassabees.blogspot.com' alt='' /></div>Om El Bassabeeshttp://www.blogger.com/profile/05328741959124050261noreply@blogger.com0tag:blogger.com,1999:blog-3318240438054539401.post-72320896159570639962008-07-29T03:16:00.000-07:002008-07-29T03:17:53.902-07:00<div dir="rtl" align="right"><span style="font-family:arial;font-size:130%;">عملها ومات<br />هو السبب ومعانا كل الاثباتات<br />الله يرحمه طلع هو المسئول<br />هو ده كلام معقول؟<br />هي كانت حادثة قطر ولا عبارة؟<br />ولا ناس ضعيفة هرستها ناس جبارة<br />هي كانت مشكلة الصيانة ولا الوقود<br />ولا هو مين حي ومين مات ومين مفقود؟<br />ولا هو الاهمال اللي مالوش حدود<br />أهي أرواح غلابة<br />أكلتها الديابة<br />ما خلاص بقينا عايشين في غابة<br />اللي اتغسل في مية مالحة وسترة نجاته كانت الكفن<br />واللي في بطن سمكة القرش اندفن<br />أرواح رخيصة مالهاش تمن<br />ونفوس صابها العفن<br />وعشش في قلوبها الوهن<br />بيحبو الدنيا موت<br />موت غيرهم طبعا والمطلوب السكوت<br />وخراب البيوت<br />اللي ماتلها زوج وحبيب<br />واللي راح المستشفى ما لقاش طبيب<br />احنا حانعترض؟ ده قسمة ونصيب<br />هي كانت طيارة ولا عبارة ولاقطر رايح الصعيد<br />كانت في المطار ولا المرسى ولا السكة الحديد؟<br />دي كانت ناس مستنية ناس جاية من بعيد<br />في قلوبهم فرحة يوم العيد<br />بس اتفرقو عن حبايبهم من غير مواعيد<br />ومش عارفين المسئول. طيب وإيه الجديد؟<br />وتمر سنين وسنين ...<br />وبرضه لسة مش عارفين<br />طيب ما هو ده!!!!<br />لا ده راجل مسكين<br />خايف من السجن فقاعد في القصر<br />وسايب قلوب حزينة مالهاش حصر<br />أصله عرف بسرعة يهرب من مصر<br />يا مصر, قلبي موجوع عشانك<br />لما صندوق أسود يغير ألوانك<br />ويكتب أحزانك<br />وناس تطلع بريئة<br />وناس تخبي الحقيقة<br />وناس وشوشها جريئة<br />هي كان اسمها سالم ولا السلام<br />طيب ليه في عيون سهرانة وعنين قادرة تنام<br />لكن مسير الحق يبان<br />وترجع تاني الألوان<br />وضحكة حلوة تبان منها السنان<br />وصبحت الصبح اقرا الجرنان<br />آه وقعت عمارة على السكان<br />والمسئول الغلبان<br />تمكن من الهرب بأمان<br />والبواب اللي مات هو اللي طلع غلطان<br />بواب, سواق أو ربان<br />كلهم بقوا في ذمة الرحمان<br /> </span></div><div class="blogger-post-footer"><img width='1' height='1' src='https://blogger.googleusercontent.com/tracker/3318240438054539401-7232089615957063996?l=bassabees.blogspot.com' alt='' /></div>Om El Bassabeeshttp://www.blogger.com/profile/05328741959124050261noreply@blogger.com0tag:blogger.com,1999:blog-3318240438054539401.post-71358517458812620542008-05-12T13:06:00.000-07:002008-05-14T15:20:59.774-07:00<div dir="rtl" align="right"><span style="font-family:verdana;font-size:130%;">دللني … قال لي يا غبية<br />أنت لا تفهمين شيئا عن هذه القضية<br />لماذا فأنت لم تسمع لي مليا؟<br />ما هذا قال محمد لأم سلمة يوم صلح الحديبية<br />بعث ليتم مكارم الأخلاق نبيا أميا<br />جاء ليخرجنا من ظلمات الجاهلية<br />فمن أي عصر أنت؟ من العصور الحجرية !!!<br />أريد أن أحيا معك عيشة هنية<br />نتشاور ونصل لبر الأمان سويا<br />إفهمني حتى لو لم يكن كلامي بالنسبة لك منطقيا<br />أريد عقلا يحترم عقلي.. عقلا مستنيرا شرقيا<br />بظلمك لن تثبت لي أنك قويا<br />احترم وجودي، شقيقتك أنا في الإنسانية<br />عش أحلامي الخالصة النقية<br />أفكاري العفوية<br />قدر بوعيك هذه العقلية<br />اتركني اعبر عن أرائي الشخصية<br />أن نختلف أو نتفق، كلها أمور عادية<br />حوار بناء يعني حبا حقيقيا<br />المودة والرحمة هما البنية الأساسية<br />رفيقة رحلتك، وبكل أمورك معنية<br />هذه هي حقوقي فأين هي الحرية؟<br />شرعها لي قرآنا لسانا عربيا<br />انتهت كلماتي لم بعد لها بقية<br />ما عدت أريد تدليلا ولا هدية<br />ولكن احترمني ولو لم أكن عبقرية<br />…. غبية غبية غبية غبية غبية ..</span></div><div class="blogger-post-footer"><img width='1' height='1' src='https://blogger.googleusercontent.com/tracker/3318240438054539401-7135851745881262054?l=bassabees.blogspot.com' alt='' /></div>Om El Bassabeeshttp://www.blogger.com/profile/05328741959124050261noreply@blogger.com12